سميحة أيوب عن مهرجان القاهرة للدراما: "مكنتش أتخيل إن المهرجان هيكون بالعظمة دي"
08:57 م الأربعاء 21 سبتمبر 2022 كتب- وائل توفيق: بدأت فعاليات مهرجان القاهرة للدراما، والمقام حاليًا بمركز المنارة للمؤتمرات الدولية، برئاسة الفنان يحيى الفخراني، وحضور عدد من الفنانين والشخصيات العامة. وقال الفنانة سمحية أيوب: " أنا سعيدة جدا، أولا مكونتش أتخيل إنه هيكون بالعظمة دي، مهما كنت أتخيل مكانش هيبقى الواقع ده، سعيدة جدا إن النقابة هي اللي عامله المهرجان ده، والمتحدة محتضناه، لإن أحنا فقدنا مهرجان التلفزيون، متوقف بقاله مدة كبيرة، وأصبح الدراما غبانة، دلوقتي لاقينا ليها أب". وتابع: "المهرجان له طعم تاني، غير المهرجانات التانية، كون الدولة تعمل ده والنقابة تبادر بهذا، أنا سعيدة جدا، المهرجانات دي بتعمل نوع من المنافسة الشريفة، وبتدي الفرصة للمواهب إنها تفكر، وتشتغل وتتعب، ومتستعجلش، عشان يكونوا عايزين يتفوقوا". وأضافت: "الطقوس في المسرح، الدراما لا، بكون جاهزة، الواحد يكون جاهز وعارف أنه هو ممكن هيعيد، لكن في المسرح لأ، كل مشهد بديله حقه". وحرص عدد من الفنانين على الحضور، من بينهم، الفنان رياض الخولي، وعمرو رمزي، والموسيقار عادل حقي، بالإضافة إلى الفنان جمال عبد الناصر، والإعلامي رامي رضوان، وأمير المصري، وعبد الله مشرف، ومحمد سليمان، وعبد العزيز مخيون، والفنانة فادية عبد الغني، صابرين، وفكري صادق، ونجله مراد فكري صادق، أحمد صيام، صبري فواز، مها نصار وزوجها المخرج حسين المنباوي، هيثم سعيد وزوجته، إيهاب فهمي وزوجته، سميرة عبد العزيز، وسميحة أيوب. يذكر أن "مهرجان القاهرة للدراما" يُقام برئاسة الفنان الكبير الدكتور يحيى الفخراني، الرئيس التنفيذي للمهرجان، لتقييم الموسم السنوي للدراما المصرية خلال شهر رمضان الماضي، بحضور نخبة كبيرة من ألمع نجوم الدراما المصرية.
#سميحة #أيوب #عن #مهرجان #القاهرة #للدراما #مكنتش #أتخيل #إن #المهرجان #هيكون #بالعظمة #دي